Kristian i chih tuh Kris sepaih ahi. Sepaih tuh galdou dia kumpi in a goih ahi. Sepaih hi ngal a galvan neilou tuh sepaih taktak hilou ahi ding. Sepaih peuhmah a guaitu kumpi in galvan bukim toh a thop ding ahi. Kristiante, Kris sepaihte galvan tuh Bible leh Thumna a hi.

Getsemani huan ah Jesu'n a melmapa setan nakpitak in a dou hi. Getsemani huan sunga Jesu'n setan a doulai a a pandan tuh KHUKDINSA in a pang hi. A melmapa setan tung ah a vualzou a, bangmah a loh thei kei hi.  Tua mah bang in saptuam in Pathian nna i sepna uah thil bangkim Pathian a dia i hihna uah khukdinsa in thumna toh pang gige leng setan in bangmah a hon loh thei kei ding hi. Khukdinsa in setan dou ni, huai Jesu doudan, leh a zohdan a hi. Saptuam sunga haksatna a hong tuna, thu haksa leh buainate a om chiang in saptuam makaiten khukdinsa in hihveng sawn in pan la leng a veng mai ding.