Bible in mipil a chihte tuh omdan a pilvang mite, Pathian nna sepna dia hun a tamtheipen zang mite a hi uh.

Pathian nasepna ding, thil hoih hihna ding hun tomchik neih sunga a tam theipen sem zel mi, Toupa deihlam bang a hia chih theisiam mite tuh Bible in mipil a chihte a hi uh.

Bible in mahai a chihte tuh bangmah phawkloua ihmute, omdana pilvangloute, uaiin khamte, Pathian deihlam bang a hia chih ngaihtuaha  zongloute leh kidektheiloute a hi uh.

Pathian deihlam bang a hia? Pathian deihlam tuh Bible a chiangtaka gelh in a oma, huaite tuh Bible sim leng i thei mai ding. Pathiam deihlam tuh ki-ittuahna bang, siangthouna bang, kidektheihna bang, nunnemna bang, kha a dimna bang leh kipahthugenna leh a dang tampi a om hi. Hiaite tengteng ban ah Bible a kigelhte, na hoih chi tuamtuamte a tam theipen sepkhiak tuh i mohpuakna uh a hi. Mipil hih i utleh Pathian dedihlam zon a, a tamtheipen sepkhiak sawm ding himai.