Jesu sunga sanggam itte aw,

Mizogam panin na khut uh kong len hi.

Na kiang ua kong gennop thu hehpihna tawh nong ngaihkhiatsakding uh hong thum ing.

Mizogam leh Chin State sunga I Zomipihte siamsinna ding khualnain Kawlgam leh Mizogam kigina Sesih khuaah English Medium School khat ZBC Pawlpi in kiphut hi. Tuin Nursery pan Standard VIII dong kikahsak a, sangnaupang 90 khawng om hi. Sangsia zong Kawlgam leh India gam sunga I mipihte mah kizang a, 2009 Class VII Board examna ah a vekpiun passed a, letter mark a ngah zong om hi.

Hih sanginn a kiphuan tung ahih manin, a kitangsam tuamtuam a tam banah, I kianga pau dang a zang pawlpi liante in hong hazain, I sangsia hoih om sunsunte sum tamzaw tawh hong zolkhiatsak zel a, dahhuai mahmah hi.

Hih sanginn pen Zomi Baptist Pawlpi in a sponsor ahih tei hangin, deih bangin sum kicing thei nai lo a, note huhna ka hong ngen hi.

Tedim Lai Siangtho Bu (Holy Bible) hong khak le ung Sanginn huhna in Bible bu khat US $ 50 ahi a, a tunglamahi zongin na hong leisak thei ding uh hiam cih ka hong dongkhol hi.

Na hong leisak theih ding leh Bu bangzah hong khak leng na hong khotsak thei ding hiam cih zong ka thei nuam hi.

Sesih pen Ciau lui pan Km 4 khawng bekah a om khua hi a, eimite tenna khua ahi hi.

Nang bek hi loin, na kim leh kianga Zomite lakah zong hih thu na gensak dingin Jesu min tawh ka hong thum hi.

Zomi Baptist Pawlpi sunga Education & Literature Board tangin..

Jesu sunga na sanggam uh,

Rev. Suan Khan Thang
Executive Secretary
Zomi Baptist Church
Bethel Champhai, Mizoram 796321
India
Ph. (+91)9615558559
or (+91)3831-234700